Eneo Bitri ishte një prej tre transferimeve më të rëndësishme të ardhura nga futbolli shqiptar në merkaton e janarit. Mbrojtësi u largua nga Partizani dhe zgjodhi që t’i bashkohet Banik Ostravës në Çeki.
Mbi këtë lëvizje ka folur edhe sulmuesi i Ostravës, Jiri Klima, që dha përshtypjet e para për mbrojtësin shqiptar. “Deri tani kemi pasur mundësinë për t’u takuar. Bitri është një mbrojtës shumë i gjatë, djalë i mirë dhe mbrojtës me vlera. Banik Ostrava e di se çfarë po bën dhe besoj se Bitri do të na ndihmojë”, tha Klima. /Sport Ekspres/