Egnatia ka arritur të fitojë në transfertë ndaj Skënderbeut në shifrat 0-1. Goli i vetëm i takimit është realizuar nga ana e Paulaskas. Ky ishte afrimi i merkatos së janarit për skuadrën e Shpëtim Duros. I ardhur nga stoli, në minutën e fundit të takimit do të shënonte pasi gjendej në zonën kundërshtare.
Një fitore me shumë peshë kjo për Egnatian, që e pret e qetë Skënderbeun në takimin e radhës. Ndërkohë në barazim pa gola është ndalur Kukësi në transfertë kundër Apolonisë, për të lënë gjithçka të hapur për ndeshjen e kthimit. Më poshtë gjeni intervistat e trajnerëve për “Oversport”:
Shpëtim Duro: “Paulaskas? Ka vetëm dy ditë stërvitje me ne që kur ka ardhur. Jam i kënaqur me golin që shënoi, ishte gol tipik i një sulmuesi. Kjo është shumë pozitive, por është ende herët për të dhënë vlerësim. Sigurisht që të debutosh me 10 minuta dhe të shënosh është për t’u vlerësuar. Koha ime te Skënderbeu? Kam nostalgji, para 11 vitesh stadiumi mbushej plot. Por Skënderbeu në atë kohë ishte si Egnatia sot, pastaj e bëri autostrad në kampionatin shqiptar. Unë jam i bindur që Skënderbeu do të kthehet dhe e vlerësoj Takajn”.