Ilir Daja është trajneri shqiptar më i preferuar kur bëhet fjalë për një emër që mund të vendoset në pankinën e Kombëtares. Vetë arritja e fundit e tij ishte madhështore, duke e dërguar Ballkanin për herë të parë në Conference League, teksa ishte po hera e parë që kjo skuadër dilte në garat europiane.
Megjithatë këtë arritje e kanë sfumuar po vetë në Kosovë. Trajneri i dardanëve, Giresse, e ka quajtur këtë kompeticion të nivelit të dobët sa për të vendosur prodhimet e trajnerit Daja në përfaqësuese. Giresse u shpreh se nivelet janë shumë të ndryshme dhe se nuk mund të konkurrohet me ta as në Ligën C, ku në fakt ndodhet Kosova.
“Sa i përket Emërllahut nuk i ka treguar cilësitë me Kombëtaren U21 dhe nuk është njësoj si të luash në Conference League si për Kosovën”, tha Giresse për lojtarin që u prodhua dhe ka shkëlqyer së tepërmi te Ballkanit nën drejtimin e Dajës. /Sport Ekspres/