Një ngjarje tërësisht e pazakontë ishte ajo e ndodhur në qendër të kryeqytetit të Italisë. Lojtarët e Romës ishin mbledhur në një darkë, pa trajnerin Murinjo dhe stafin stërvitor. Atje do të diskutonin më mirë me njëri tjetrin për finalen e madhe dhe ndeshjen e fundit të rëndësishme që i pret në këtë sezon me Feynord, përpara marrjes së pushimeve.
Por për të bërë lajm dhe mes skenave të pazakonta, kanë menduar truprojat e Romës. Dy gazetarë, njëri i “Il Messaggero dhe tjetri i Il Tempo”, kanë hipur në një banesë sipër restorantit ku ndodheshin lojtarët e Romës për t’i bërë fotografi kësaj darke. Menjëherë kanë ndërhyrë truproja duket goditur me shuplakë gazetarët dhe duke i grisur këmishën. Një rast që duhet të merret parasysh edhe për ardhjen e italianëve në Shqipëri, rehati dhe qetësia e tyre nuk duhet prishur për asnjë kusht. /Sport Ekspres/