Ardi Behari ka folur në lidhje me problemet e Partizanit gjatë emisionit “Skaner” në “MCN TV”. Ish-futbollisti është shprehur se të kuqve u mungon një lider, si dhe nxjerr në pah vështirësitë që ky ekip ka në gjetjen e golit.
“Partizanit po i mungon një lojtar lider. Ndryshojnë shumë shpesh emrat. Kallaku ishte në stol, prisja të hynte dhe të thyente linjat e Vllaznisë, nuk rezultoi kështu. Ajo që unë shoh te Partizani është se nuk po arrin te goli. Po e kërkonte golin ende me Eneo Bitrin me goditje standarte, priste që të shënonte po në të njëjtën mënyrë”, është shprehur Ardi Behari./Sport Ekspres/