Ajntrakti i Frankfurtit befasoi Barcelonën mbrëmjen e së enjtes, ku i eliminoi nga Europa Liga pas një fitoreje në një “Kamp Nou” që ngjasonte më tepër me shtëpinë e tyre.
Fitoren e Frankfurtit duket se nuk e donin vetëm gjermanët, pasi Jakiç zbulon se vetë Luka Modriç i ka kërkuar të fitonin kundër katalanasve. Lojtari kroat i ka premtuar kapitenit të Kombëtares së tij se do të fitonte, fjalë të cilën arriti ta mbante.
“Para ndeshjes me Barcelonën, Modriç më tha se duhej t’i mundnim. Unë iu përgjigja: ’Kapiten, të premtoj se do të fitojmë’. E mbajta premtimin”, ka thënë Kristijan Jakic./Sport Ekspres/