Rikthimi në “Abissnet Superiore“ pas një dekade mungesë nuk shkoi ashtu siç pritej për Dinamon. Klubi kryeqytetas premtoi ngritjen në nivelet e dikurshme në të cilat e njeh historia, e madje diçka e tillë u besua edhe nga tifozët. Investimet e shumta në skuadër rritën edhe ovjektivat e “nëndetëses“, që në mënyrë paradoksale tashmë sheh sërish pranë Kategorinë e Parë.
Gazetari Gjergji Stefa ka shpërndarë një sondazh të kryer në kompaninë “Sonketa” në fillim të sezonit, ku plot 25.8% e votuesve vlerësonin Dinamon si klubin që kishte zhvilluar merkaton më të mirë. Një përqindje votimi kjo dukshëm më e lartë se për ekipet e tjera. Megjithatë, kur mbetemi edhe pak javë nga fundi i sezonit, shohin një Dinamo thuajse të rënë nga kategoria, që nuk e kanë shpëtuar dot as merkatoja, e as investimet nga ana a presidencës./Halit Delibashi-Sport Ekspres/
