Janë mbyllur pjesët e para të dy sfidave çerekfinale të Champions League-s. Benzema po rinohet edhe ndaj Chelsea-t. Francezi ka heshtur “Stamford Bridge“-n dy herë brenda 3 minutave. Sulmuesi kalon Realin e Madridit në avantazh në minutën e 21-të, ndërsa në të 24-tën dyfishon rezultatin me një goditje me kokë. Blutë e Londrës reagojnë në minutën e 40, kur Kai Havertz shkund rrjetën e spanjollëve.
Ndërkohë surpriza e madhe po ndodh në Spanjë. Villareali po trondit edhe Bayern-in, teksa udhëheq në pjesën e parë me rezultatin 1-0. Danjuma ka shënuar që në minutën e 8 të ndeshjes, ndërsa pak kohë para se të mbyllej pjesa e parë, VAR-i i ka anulluar nëndetëses së verdhë golin e dytë. Mbetet për tu parë se si do të shkojnë 45 minutat e dyta./Halit Delibashi-Sport Ekspres/