Zhoze Murinjo u kthye përsëri në qendër të vëmendjes për shkak të veprimeve të tij përtej vijave kufizuese. Portugezi ishte i tërbuar me vendimet e gjyqtarëve në ndeshjen kundër Veronës. Fillimisht shkelmoi topin me inat drejt tribunës, ndërsa më pas ka debatuar me gjyqtarin kryesor të takimit.
“Të ka dërguar Juventusi”, mësohet të ketë qenë fraza e dalë nga goja e “special one” në drejtim të arbitrit, që i ka kushtuar më pas kartonin e kuq. Gjyqtari nuk e kurseu ndëshkimin dhe tashmë Roma do të luajë ndeshjen kundër Specias pa Murinjon në krye të pankinës./Halit Delibashi-Sport Ekspres/