LIVE, Shqipëri U21- Andorra U21 2-0 Muçi 36′, 90’+2′
Djemtë e Alban Bushit kanë bërë detyrën duke marrë 3 pikët mbrëmjen e sotme. Megjithatë rruga drejt fitores nuk ka qenë aspak e lehtë për kuqezinjtë, të cilët kanë arritur të mposhtin Andorrën U21 me rezultatin 2-0. Pas disa tentativave nga ana e Shpresave tona, vjen goli i shënuar nga Ernest Muçi. Sulmuesi i Legias së Varshavës tund rrjetën nga goditja e dënimit në minutën e 32-të të takimit, duke e lënë gardianin kundërshtar të palëvizur nga vendi.
Por në minutën e 70 talenti i dalë nga akademia e Tiranës humb rastin për të dyfishuar shifrat. I gjendur përballë portës nga pika e bardhë e penalltisë, Muçi humb duelin me portierin e Andorrës, që jo pak herë u kthye në një “mace të zezë” për kuqezinjve. E megjithatë atë që nuk e bëri dot nga penallti e bën sërish nga distanca. Muçi kthehet në mjeshtrin e goditjeve të dënimit, teksa në minutat shtesë e dërgon topin në trekëndësh pas ekzekutimit të një gjuajtjeje të lirë./Halit Delibashi-Sport Ekspres/
