Milani është duke marrë frytet nga trajneri Pioli teksa kuqezinjtë u rikthyen në Champions League pas shumë vitesh. Gjithashtu edhe në këtë sezon duket se kjo skuadër do të luftojë mes më të mirave, për të luajtur shanset e saj edhe në titullin kampion. Pioli ka një zgjidhje më shumë se interesante kur bëhet fjalë për lojën sulmuese në këtë futboll modern.
Gjithçka e ka bërë publike vetë trajneri i cili ia ka thënë hapur lojtarëve: “Nëse doni të shihni futboll sulmues, thjesht duhet të fusni një rregull. Kështu, askush nuk ka të drejtë që të kthejë topin në fushën e tij pasi ka kaluar gjysmëfushën e kundërshtarit”, tha trajneri i Milanit. Një rregull i ngjashëm përdoret në basketboll, por futja e tij në futboll i jep padyshim më tepër përparësi lojës sulmuese. /Sport Ekspres/