Tomas Strakosha largohet nga Stambolli me peshën e fajit që rëndon mbi supet e tij. Portieri shqiptar nuk mundi të shfrytëzojë rastin e tij për tu ngjitur në hierarki në lidhje me Reinan, teksa bëhet protagonist me një gafë qesharake. Topi përfundon në rrjetë dhe janë pikërisht duart e tij që e dërgojnë aty. Megjithatë mbështetja i vjen nga portieri i Galatasaray-t, Muslera, i cili motivon Strakoshën pas përfundimit të ndeshjes.
“Kur e shikon, ishte faji im disa ndeshje më parë … Gjëra të tilla mund të ndodhin gjithmonë. Unë kam diçka për të thënë. Portierët janë vetëm në fushë. Do të ketë gabime si ai i portierit kundërshtar sot. Kjo është çudia e punës së portierit. Gabimi ynë nuk falet. Kjo është gjithashtu pjesë e punës sonë … Ne duhet të vazhdojmë pa u demoralizuar. Nuk duhet të heqësh dorë”, ka thënë Muslera.
Ndërkohë për gabimin e Strakoshës ka folur në konferencën për shtyp pas takimit edhe trajneri Sarri. Trajneri i Lacios i tregon faturën që skuadra ka paguar sot në Turqi prej kësaj gafe, por nga ana tjetër përpiqet të shohë gjërat pozitive nda dueli me Galatasaray-n.
“Humbja nuk përmbahet në gabim, por sonte është një hap përpara në paraqitje. Ne pothuajse asnjëherë nuk kemi vuajtur, kemi luajtur mirë dhe jemi dukur nën kontroll. Gabimet janë pjesë e këtij sporti, sonte e kemi paguar atë, por unë e konsideroj atë një hap të vogël përpara për ekipin”, është shprehur Mauricio Sarri./Halit Delibashi-Sport Ekspres/