Pjesa e parë mes PSV Eindhovenit dhe Real Sociedad-it është mbyllur me shifrat 1-2 për këta të fundit. Holandezët ishin të parët që kaluan në avantazh me anë të një goli në minutën e 31-të të shënuar nga Mario Gotze.
Por festa e sulmuesit gjerman do të zgjaste pak. Vetëm 3 minuta më vonë buzëqeshja e Gotze-s dhe PSV-së do të ngrinte, teksa Adnan Januzaj rikthen baraspeshën. Lojtari shqiptar shënoi një gol të rëndësishëm në Europa League, që pasohet pak minuta më vonë nga një tjetër gol, por këtë herë me autor Isak-un./Halit Delibashi-Sport Ekspres/