Polonia tregoi qartësisht në ndeshjen kundër Shqipërisë se janë të varur nga prania e Levandovskit. Ylli i Bajernit ka një meritë në fitoren e Kombëtares së tij kundër Shqipërisë dhe këtë e pohon edhe ish-lojtari Gregor Milcarski. Në një intervistë për “WP Sportowe Fakty” ai ngre në piedestal Levandovskin dhe i bën thirrje Souzas ta vendosë titullar edhe ndaj San Marinos, pasi pa të në fushë Polonia do të rrezikojë shumë.
“Ka shumë disproporcion mes lojtarëve tanë. Nëse do të jepja nota, do t’i jepja Robert Levandovskit një “10”, dhe konkurrenti i dytë, i tretë më i mirë pas tij, maksimumi “5”. Kam frikë se vetë lojtarët ulen në grupin e tyre pas lojës dhe thonë: “këtë herë funksionoi”. Për sot, ekipi pa Robertin në skuadrën kryesore do të luftojë tmerrshëm edhe me San Marino.
Thjesht lëreni Robertin të jetë në fushë. Ai mund të mos shënojë, mund të mos jetë 100% i përfshirë, por të paktën të tjerët do të ndihen më të sigurt. Edhe pse e di që në rastin e Levandovskit loja me gjysmë zemre nuk ekziston. Nëse Sousa nuk do të fusë në fushë Robert Levandovskin në ndeshjen kundër San Marinos, ai do të rrezikojë shumë”, ka thënë Gregor Milcarski./Sport Ekspres/