Sokol Cikalleshi ka shënuar golin me vlerën e tre pikëve te Konyaspor. Këta të fundit fituan me shifrat 0-1 në transfertë ndaj Sivaspor. Një gabim i bërë nga mbrojtësi kundërshtar në minutën e 89 solli edhe përfitimin e sulmiesit shqiptar.
Cikalleshi kaloi edhe portierin për të dërguar topin në rrjetë. Menjëherë nisi festa e madhe te Konyaspor për fitoren e parë në kampionat. Me Konyaspor ka debutuar edhe Çekiçi që shkëlqeu ndaj Sivaspor, ndërsa edhe Zymer Bytyqi luajti nga minuta parë. /Sport Ekspres/