LIVE, Sherif Tiraspol-Teuta 1-0 Traore 6‘
Champions League ishte një ëndërr që mori fund që në turin e parë për Teutën. Kampionët e Kategorisë Superiore e mbyllin sot aventurën e tyre në këtë kompeticion, teksa ka marrë humbjen e dytë kundër Sherif Tiraspolit. Një gol që në minutën e 6 nga Traore vulos fatin e ndeshjes së sotme, ndërsa përballja e parë në “Niko Dovana” kishte përfunduar me triumfin e thellë 0-4 të moldavëve.
Ekipi i Martinit nuk shfrytëzon kështu shortin për rrugëtimin në Champions League. Në turin pasardhës Teuta do të gjente një kundërshtar të një niveli jo shumë të lartë, teksa do të ndeshej me fituesin e çiftit Connah’s Quay Nomads-Alashkert. Tashmë durrsakët do të vazhdojnë të garojnë në Conference League./Halit Delibashi-Sport Ekspres/