Skerdi Bejzade është futbollisti që ka lënë gjurmë në historinë e futbollit shqiptar dhe që vazhdon ta ndjekë Superioren me vëmendje të madhe. I njohur ndryshe edhe si “Arusha”, këtë herë prek çështjen më të përfolur për momentin që është titulli kampion.
Vllaznia apo Teuta? Në letër durrsakët janë dukshëm favorit pasi luajnë ndaj Apolonisë së vendit të fundit. Por nga krahu tjetër Vllaznia luan me Laçin dhe i duhet që të fitojë me një gol më shumë sesa triumfi i Teutës, në mënyrë që të shpallet kampion.
Bejzade ka kujtuar kohën kur Vllaznia i bënte nder Apolonisë duke mos u impenjuar shumë, ndërsa tanimë është momenti që “borxhi” të kthehet duke u kërkuar impenjimi maksimal. “Ose të paktën bëhuni “gardh” te goli i tretë që të bëjmë ne katër këtej”, thotë mes sarkazmën “arusha” Bejzade. /Sport Ekspres/
