Interi ka mposhtur Krotonen ditën e sotme dhe titulli mund të jetë i tyre që nesër. Mjafton një hap fals i Atalantës dhe zikaltrit do të marrin në duar trofeun e kampionit të Serisë A. Në një intervistë të dhënë pas ndeshjes për “Sky Sports“, Antonio Konte tregon se sa e shumë do të thotë kjo arritje për të dhe për skaudrën. Ekipi nga Milano do të zbresë për herë të parë nga froni pas 9 vitesh një klub si Juventusi, që në dekadën e fundit ka qenë kryefjala e Serie A. Megjithëse aventura e trajnerit italian në krye të Interit është shoqëruar me kritika për shkak të së kaluarës së tij si bardhezi, Konte është pikërisht ai që pritet ti sjellë atë trofe që aq shumë po i mungonte kësaj skuadre.
“Të gjithë e dimë se diçka e jashtëzakonshme po vjen. Ne po arrijmë të ndërmarrim shkatërrimin e një mbretërie që kishte zgjatur për nëntë vjet. Djemtë i meritojnë këto kënaqësi. Dhe ne mundëm Milanin me emrat e mëdhenj, Interin e Tripletës. Sot, megjithatë, unë marr frytet e zgjedhjes sime më të vështirë. Shumë do të ishin fshehur pas historisë, pas kaq shumë gjërave.
E pyeta veten. Unë mbetem tifoz i të gjitha ekipeve që kam stërvitur, por unë jam tifozi i parë i ekipit, ngjyrat e të cilit i mbroj sot. Nuk ishte e lehtë të hyja në zemrat e të gjithë tifozëve të Interit, por sigurisht që e kuptova dhe do ta kuptoj. Gjithmonë kam dhënë gjithçka për këtë klub. Jam përfshirë në një mënyrë të rëndësishme dhe kam një kënaqësi të jashtëzakonshme që e mbaj brenda meje”, ka thënë ndër të tjera Antonio Konte./Halit Delibashi-Sport Ekspres/