Viti 2021 duket se ka sjellë Juventusin e vjetër, teksa bardhezinjtë numërojnë fitoren e tretë radhazi në kampionatit italian. Përballja e sotme dukej delikate për shkak dhe të formës të shkëlqyer që Sasuolo po kalon, megjithatë Ronaldo dhe shokët e tij arritën ta kalonin dhe këtë test të vështirë. Loja nisi me mjaft vrull nga ana e Juventusit, që krijuan raste të rëndësishme për gol, por pa rezultat. Në minutën e 47-të, me asistencën e teknologjisë VAR, arbitri Masa ndëshkoi Obiang me karton të kuq dhe Sasuolo e mbylli pjesën e parë me 10 lojtarë.
Në minutën e 50-të Danilo gjeti golin e avantazhit për Juventusit me një magji nga distanca, por festa zgjati vetëm 8 minuta, pasi Defrel barazoi gjithçka. Për të shmangur çdo surprizë, skuadra e drejtuar nga Andrea Pirlo u hodh e gjitha në sulm për të fituar ndeshjen. Në minutën e 82-të Ramsey gjen rrjetën duke sjellë qetësinë tek ekipi i tij.
Do të ishte pikërisht Ronaldo ai që do të vuloste gjithçka, teksa në minutën e 92-të shënoi golin e tretë për Juventusin. Me këtë fitore, “Zonja e Vjetër” ngjitet në vendin e katërt dhe tashmë ndodhet vetëm 7 pikë larg nga Milani i vendit të parë. Megjithatë kjo diferencë mund të zvogëlohet në katër pikë, pasi bardhezinjtë do të luajnë ndeshjen me Napolin, e cila u shty për shkak të COVID-19./Elio Hajdari-Sport Ekspres/
Le magnifique but dr Danilo avec la Juventus https://t.co/kv32Uxfyf3
— Rémi Martins (@remi_martinss) January 10, 2021