Shumë pyetje janë ngritur te Napoli në kohët e fundit: “Ku është Amir Rrahmani?”. Klubi i drejtuar nga Gatuzo e mori mbrojtësin shqiptar si një blerje që do t’i siguronte prapavijën për shumë vite me rradhë. Megjithatë deri në ditën e sotme Rrahmani ka luajtur vetëm një ndeshje, duke u aktivizuar në minutën e 87 pasi Napoli po fitonte në shifrat 4-1 ndaj Cagliarit. Debutimi i parë i vërtetë erdhi në ndeshjen e sotme, teksa Napoli po luan kundër Udinezes.
Insigne dërgoi shifrat në 0-1 duke ekzekutuar saktë penalltinë, ndërsa barazimi ka ardhur pas gafës së tmerrshme të Rrahmanit. Ky i fundit nuk e ka ulur dot topin pas pasimit të Hysajt për ta qetësuar në mënyrën e duhur dhe nuk ka llogaritur saktë forcën e topit që kërkoi ta kthente mbrapa te portieri, duke i dhënë një dhuratë të madhe Lasagnas, i cili nuk e kishte të vështirë për të dërguar topin në rrjetë. Menjëherë ka nisur sulmi në rrjetet sociale ku diskutohen vlerat e Rrahmanit, që nuk e nis te Napoli në mënyrën që ka ëndërruar. /Sport Ekspres/