Kanë përfunduar 45 minutat e para të supersfidës Milan-Juventus. Bardhezinjtë kaluan të parët në avantazh falë Kiezës, që merr një asist fantastik me finte nga Paolo Dibala. Megjithatë “djalli” nuk dorëzohet dhe nis të zgjohet për të kërkuar menjëherë barazimin. Pas disa goditjeve në kuadratin e mbrojtur nga Shezni, goli do të vinte vetëm në minutën e 41-të.
Ishte Kalabria ai që godet topin në perfeksion. Një magji vjen nga këmbët e tij dhe topi ndalet në trekëndësh, duke e lënë të palëvizur portierin polak të Juventusit. Fraksioni i parë i lojës mbyllet kështu në shifrat e barabartat 1-1 dhe pritet të luhen edhe 45 minutat e tjera për të mësuar fatin përfundimtar të këtij dueli./Halit Delibashi-Sport Ekspres/
AC Milan – Juventus 1-1 Calabria 41’ #MilanJuve pic.twitter.com/51d4vxuIJA
— Pi?karski Poker (@MatchDay21) January 6, 2021