Ajo përleshje në klasiken e Francës mes PSG-së dhe Marsejës tërhoqi një vëmendje të gjerë, me 5 lojtarë të cilët panë menjëherë kartonin e kuq përpara fytyrës së tyre. Por duket se asgjë nuk u mbyll në fushën e lojës, pasi lojtarë kanë vendosur t’i vazhdojnë thumbimet edhe jashtë, më konkretisht në rrjetet sociale.
Nejmar nuk shfaii shenja pendimi pas ndeshjes, me pengun e vetëm që nuk e goditi në fytyrë Alvaro Gonzalezin, pasi sipas yllit brazilian ishte treguar rracist. Futbollisti i Olimpik Marsejë është kundërpërgjigjur në “Tëitter“, ku i kujton Nejmarit se duhet të mësohet edhe duke humbur.
“Nuk ka vend për rracizëm. Karrierë e pastër dhe me shumë kolegë dhe shokë përditë. Ndonjëherë duhet të mësosh të humbësh dhe ta durosh këtë në fushë. 3 pikë të pabesueshme. Përpara Olimpik Marsejë“, shkruan Alvaro Gonalez.
Por reagimi i Nejmar nuk vonoi, teksa komenton në postimin e Gonzalez: “Nuk je burrë që të marrësh përsipër gabimin tënd, humbja është pjesë e sportit. Por të fyesh dhe të sjellësh rracizëm në jetët tona jo, nuk jam dakort. Nuk të respektoj! Ti nuk ke karakter! Mbaj përgjegjësi për ato që thua… bëhu burrë. Rracist“./Halit Delibashi-Sport Ekspres/
Você não é homem de assumir teu erro, perder faz parte do esporte. Agora insultar e trazer o racismo pra nossas vidas não, eu não estou de acordo. EU NÃO TE RESPEITO! VOCÊ NÃO TEM CARÁTER! Assume o que tu fala mermão … seja HOMEM RAPÁ ! RACISTA ??
— Neymar Jr (@neymarjr) September 14, 2020