Të fitosh tre herë radhazi “Champions League” dhe të kryqëzohesh në dështimin e parë në këtë kompeticion. Ky është futbolli që ka vetëm heronjë të përkohshëm, ndërsa kryqëzimi ka filluar edhe për Zidan. Ish-portieri argjentinas, Hugo Gatti, i njohur për deklaratat e tij kontroverse i tejkalon caqet duke sulmuar rëndë trajnerin e Realit të Madridit. I ftuar në emisionin “El Chiringuito Tv”, Gatti është shprehur se Zidan nuk është një trajner për lartësinë e madrilenëve.
“Zidan e tregoi që nuk ia ka idenë taktikës. Ka fituar tre herë “Champions League” kështu. Kohët e fundit nuk ka as 1% meritë në fitoret e Realit të Madridit. Në përgjithësi ai nuk e bën detyrën e tij, janë lojtarët e Realit që e nxjerrin vetë fitoren. Ndeshja e sotme ishte për Bale, sepse duhej shpejtësia. Pastaj Nacho duhej të ishte zëvendësimi për Sergio Ramos”, u shpreh Gatti. /Sport Ekspres/
?”ZIDANE ha demostrado que NO SABE de TÁCTICA. Ganó las 3 CHAMPIONS así y ahora se le FUE la FLOR”.#GATTI, contundente en #ChiringuitoMadrid. pic.twitter.com/m2Xk4nqeyJ
— El Chiringuito TV (@elchiringuitotv) August 7, 2020