Në ndeshjen me Kukësin, më shumë se loja tërhoqi vëmendjen gjendja e fushës së stadiumit “Flamurtari”. Pas ndeshjes ishte administratori Sinan Idrizi që deklaroi se do të nisë menjëherë puna që në ndeshjen e radhës në shtëpi kushtet e fushës të jenë optimale për zhvillimin e një ndeshje futbolli.
Sot në faqen e Flamurtarit janë postuar foto që tregojnë se puna ka nisur dhe me shumë gjasa terreni do të jetë gati për ndeshjen e radhës në këtë impiant. Ndërprerja e kampionatit për shkak të ndeshjeve të Kombëtares duket se i shkon në favor vlonjatëve, pasi fusha do të ketë kohën e mjaftueshme në dispozicion që të jetë gati.
