Ekipet e Superiores kanë nisur përgatitjet për sezonin e ri të kampionatit shqiptar. Në kuadër të përgatitjeve të tyre nuk mungojnë as ndeshjet miqësore. Dita e sotme na rezervon disa takime interesante. Ekipet pretendente do të zbresin sot në fushë.
Skënderbeu, Flamurtari, Partizani, Luftëtari dhe Teuta do të luajnë miqësoret e tyre. Niveli i kundërshtarëve nuk është aspak i fortë. Korçarët presin Besën e Kavajës, vlonjatët luajnë me të rinjtë e AEK-ut, “demat e kuq” do të provojnë veten me Tomorin, ndërsa Teuta ka një sfidë force me Egnatian. Luftëtari do të përballet me Apoloninë në fier.
Nesër është radha e Tiranës dhe Kastriotit për të zbritur në fushën e lojës. Bardheblutë do të ndeshen me Prishtinën, ndërsa Kastrioti do të vazhdojë me miqësoret bullgare.
Miqësoret e ditës së sotme
19:00/ Skënderbeu – Besa
18:00/ Flamurtari – AEK U-20
18:00/ Partizani – Tomori
17:30/ Egnatia – Teuta
17:00/ Apolonia – Luftëtari
Miqësoret e nesërme
20:00/ Tirana – Prishtina
10:30/ Kastrioti – Levski Karlovo