EUROPA LEAGUE
Raundi i dytë kualifikues, ndeshja e vajtjes
MOLDE 3
LAÇI 0
Shënues: Haland 5′ (penallti), Hestad 24′, Xhejms 79′
GOLAT
5′ – Sefgjini bën një ndërhyrje të gabuar brenda zone dhe gjyqtari akordon 11-metërsh. Haland nuk gabon nga pika e bardhë duke kaluar vendasit në avantazh.
24′ – Pas ekzekutimit të një goditje dënimi, Hestad realizon dhe golin e dytë për vendasit.
79? – Molde tentoi me Strand, por Selmani e ndali në rastin e parë, topi i kthyer në lojë shkoi tek Xhejms që gjen golin si zëvendësues.
DIREKT
74′ – Lushkja nuk është treguar i saktë në tentativën e tij nga distanca.
71′ – Edhe Jonuzi provon të rrezikojë, por pa rezultat.
65′ – Fangaj ka një mundësi për gol, portieri vendas i mohon golin. Rasti më i mirë për Laçin deri më tani
65′ – Radas është ndëshkuar me karton të verdhë.
58′ – Haland provon të befaosjë, por nuk mundet që të gjejë kuadratin e portës së Selmanit.
37’ – Remer dhe Haugen provojnë në dy raste, por Selmani është në lartësinë e duhur duke ndalur topin në të dyja rastet.
34′ – Lushkja kërkon të befasojë, por edhe mesfushori i kurbinasve nuk është i saktë.
32′ – Hoxhallari provon nga distanca, por nuk gjen dot kuadratin e portës.
19′ – Uzuni provon me një goditje nga distanca, ndërhyn portieri vendas duke neutralizuar rrezikun.
13′ – Cibicki sërish i afrohet golit, pasi godet traversën pas një goditje nga këndi .
5′ – Sefgjini ndëshkohet me karton të verdhë.
4′ – Radas jep shkëndijën e parë për Laçin, por tentativa e shkodranit përfundon jashtë kuadratit.
2′ – Mundësi ideale për vendasit, të cilët rrezikojnë që në sekondat e para. Sarr godet traversën pas një goditje nga këndi.
1′ – NIS NDESHJA!
Besnik Prenga e di shumë mirë se edhe me Molden duhet shumë kujdes. Ua ka bërë të qartë edhe lojtarëve. Për këtë edhe formacioni i përzgjedhur dhe moduli kanë karakter mbrojtës. Tashmë është konfirmuar rreshtimi i bardhezinjve me modulin 5-3-1-1, sikurse edhe ka raportuar më parë “Sport Ekspres”.
Selmani mbron kuadratin, ndërkohë që në mbrojtje nga minuta e parë luan edhe Marko Radas. Në krahë janë pozicionuar Sefgjini dhe Shtubina, kurse në qendër krah kroatit luajnë Gjoni dhe Hoxhallari. Treshja e mesit të fushës nuk ndryshon. Kroati Eller, Lushkja dhe Jonuzi janë titullarë.
Uzuni shfaqet në një pozicion të ri në këtë ndeshje që nis prej orës 19:00. Anësori do të luajë si sulmues i dytë pas Vice Kendesh dhe do të mundohet të shfrytëzojë shpejtësinë e tij për të befasuar Molden vendase. UEFA ka publikuar formacionet zyrtare dhe norvegjezët udhëhiqen në sulm nga 18-vjeçari Haland, i kërkuar nga klubet më të mëdha në botë.
Laçi: Selmani; Shtubina (Fangaj 48′), Gjoni, Radas, Hoxhallari, Sefgjini; Lushkja, Eller, Jonuzi; Uzuni; Kendesh. Trajner: Besnik Prenga. Të gatshëm: Vata, Hadroj, Bushi, Smaçi, Zogaj, Ujka
Molde: Linde, Gabrielsen, Forren, Sarr, Husain (Xhejms 67′), Aursnes, E. Hestad, Remer, Cibicki (Eikrem 65′), Haugen, Haland (Strand 74′). Trajner: Ole Gunar Solskajer. Të gatshëm: Ranmark, Gregersen, Shima, Brustad.
PJESA E PARË
Laçi nuk ka mundur që t’i bëjë ballë skuadrës së Moldes në 45 minuta e para. Dukshëm favorit vendasit, të cilët kanë realizuar që në minutën e 5-të me anë të një 11-metërshi. Pas ndërhyrjes së Sefgjinit, gjyqtari akordoi penallti dhe Haland nuk gaboi. Hestad shënoi dhe golin e dytë pas një goditje dënimi. Po ashtu norvegjezët kanë goditur dhe dy herë traversën. Në anën tjetër të besuarit e Besnik Prengës kanë rrezikuar shumë pak.
