Tashmë telenovela Ronaldo ofron lajme çdo orë, herë shpresëdhënëse për tifozët e Juventusit e herë për ata të Realit.
Në mbrëmje nga Spanja Don Balon ka publikuar një lajm interesant, sipas të cilit Reali është gati t’i japë 30 milionë euro në sezon portugezit, aq sa i ofron Juventusi.
Nëse kjo është e vërtetë, duhet të shohim çfarë do të vendosë ylli i Realit, pasi është shkruar pa fund sikur dëshironte të largohej për probleme me Realin e hatërmbetje me Florentino Perezin dhe se i pëlqente shumë Juventusi si klub e Torino si ambient.
Nëse Reali i rrit pagën dhe Ronaldo qëndron, atëherë do të jetë e qartë që thjesht ka qenë një strategji e menduar mirë nga Ronaldo dhe Zhorzh Mendesh për të përfituar kontratë të re.