Kapiteni i Perusë, Paolo Guerrero, nuk do të marrë pjesë në Kupën e Botës 2018, pasi pezullimi i tij për kokainë është shtuar.
Gjykata e Arbitrazhit Sportiv, e famshmja CAS, ka pranuar apelin e Agjencisë Botërore Anti-Doping (WADA) për të shtuar masën ndëshkimore ndaj sulmuesit të njohur.
Guerrero është shënuesi më i mirë në historinë e Perusë dhe u përfshi nga Puerja në listën paraprake për Kupën e Botës, duke pozuar me fanellat e Botërorit.
? Nuestro delantero Paolo Guerrero participa de la toma de fotos de protocolo para #Rusia2018 pic.twitter.com/Oyctn5AHKs
— Selección Peruana (@SeleccionPeru) May 14, 2018
Megjithatë, dënimi nga FIFA me 6 muaj pezullim pas apelimit përfundoi në fillim të këtij muaji dhe WADA e kishte kundërshtuar me kohë FIFA-n, duke kërkuar dënim 1 deri në dy vite, pasi sipas saj justifikimi i Guerreros se e ka futur kokainën në organizëm pa dijeninë e tij, pasi ia kishin hedhur në çaj, nuk qëndron.
CAS i ka dhënë të drejtë WADA-s, duke dhënë përfundimisht 14 muaj dënim për Guerreron, që do të thotë se sulmuesi veteran nuk shkon dot në Kupën e Botës.