Irid Oksa ndodhet në vendlindje, teksa në vend të plazhit, vëmendja e saj i kushtohet Instagramit dhe një “pëlqimi” që s’ka kaluar pa u vënë re. Ndërkohë, kushedi sa xheloz ndihet Akuah tani
Verën e shkuar, Shqipëria fitoi Europianin në Francë, të paktën sa i përket tribunave… Asnjë garë mes nesh dhe vendeve të tjera, sepse Rike Roçi dhe Irid Oksa dhuruan një “spektakël” të jashtëzakonshëm me shqiponjën e tyre, duke qenë në fokus përgjatë gjithë ndeshjes Francë-Shqipëri në “Velodrome”.
Prej asaj dite, fama e tyre ka qenë gjithmonë e më shumë në shtim, teksa Iridi ka preferuar që këtë verë ta kalojë në Vlorë, në vendlindjen e saj, aty ku edhe është shfaqur me disa foto hot, por më së shumti ajo që e lumturon është fakti se supermodeli afroamerikan, Tajzon Bekford, ndër më të paguarit në botë, ka nisur ta pëlqejë, duke i dërguar shpesh “like”… Iridi, i pyetur nga “Sport Ekspres” mbi këtë pëlqim, nuk është prononcuar, por ka thënë se “sigurisht që të vjen mirë kur të pëlqejnë fotot e tua edhe persona VIP dhe të njohur në botë”. Nuk e dimë se si do ta presë këtë lajm futbollisti i Torinos, Akuah, por përballë Bekfordit, ndoshta do të duhet të dorëzohet edhe ai…
