Armando Sadiku është rikthyer te forma e tij e mirë pas eksperiencës negative në Bolivi. Sulmuesi shqiptar po merr rolin e protagonistit me Cartagena-n, teksa ka shënuar 7 gola deri më tani. Në tryezën e Cartagena-s ka mbërritur nëj ofertë prej 2 milionë eurosh për kartonin e Sadikut. Një klub japonez ka qenë i gatshëm të sigurojë shërbimet e 31-vjeçarit, por ishte vet ky i fundit që refuzoi. Trajneri i Cartagena-s ka pohuar se për Sadikun ambicia është më e rëndësishme nga interesat ekonomike.
“Gjëja më e rëndësishme është që Armando Sadiku ka thënë se ai do të vazhdojë te Cartagena, sepse dëshiron të bëjë gjëra të mëdha këtu dhe e vendos atë përpara interesave ekonomike. Ai beson në atë që kjo skuadër dhe vetja e tij mund të bëjë”, ka thënë Luis Carrion./Sport Ekspres/