EuroBakaj nuk ndalet, “viktima” tani është polake, por barazimi “e ngrin”

0

Tre gola në tre ndeshje në Europa League. Elis Bakaj nuk ndalet dhe ka marrë përsipër t’i dhurojë Shaktjor Soligorskut kualifikimin në turin e tretë të Europa League, edhe pse jemi vetëm në gjysmë të rrugës.

Një tjetër gol i shqiptarit sonte, në sfidën që është duke u luajtur në këto momente ndaj polakëve të Leh Pozhnanit. E megjithatë, Shaktjori barazoi 1-1 në fund, teksa futbollisti shqiptar ka shënuar në minutën e 58-të të ndeshjes. Ishte Amaral ai që në të 89′ ngriu tifozët vendas të Shakjtorit…

Sakaq, për Elisin është goli i tretë pas dy golave ndaj uellsianëve të Konah’s Kuaji (vajtje dhe ardhje).

Kujtojmë që Bakaj u transferua në janar të këtij viti në Bjellorusi, pas aventurës te Kukësi. Verilindorët fituan 120 mijë euro. Ndërkohë, ai ka shënuar edhe një gol në kampionatin bjellorus.

You might also like

Leave A Reply

Your email address will not be published.

This site uses Akismet to reduce spam. Learn how your comment data is processed.