Zyrtare/ Vendosen datat nga UEFA, FSHF njofton kur do të zbresin në fushë kuqezinjtë

Komiteti Ekzekutiv i UEFA-s ka mbajtur ditën e sotme një mbledhe ku janë marrë vendime të rëndësishme sa i përket kometicioneve europiane. Përpos sezonit të aktual të Champions League dhe Europa League, UEFA ka përcaktuar edhe datat për fazën kualifikuese për sezonin e ardhshëm të këtyre kompeticioneve, si dhe vendime janë marrë edhe në lidhje me Kombëtaret.

Kështu kuqezinjtë do të zbresin sërish në fushë në ditët e para të shtatorit, kur do të nisin edhe rrugëtimin e ri të Ligës së Kombeve 2020/2021. Ndërkohë faza play-off për Europianin e ardhshëm që do të përcaktohet nga finalet e Ligës së Kombeve do të zhvillohet në datat 8 tetor deri në 12 nëntor. Kohë kjo kur do të përcaktohet edhe fati i Kosovës, që synon të përmbushë ëndrën e madhe kundër Maqedonisë së Veriut. FSHF ka zbardhur planin e UEFA-s për sezonin e ardhshëm, i vendosur nga Komiteti Ekzekutiv, pjesë e të cilit është edhe presidenti i Federatës shqiptare, Armand Duka./Halit Delibashi Sport Eksprese/

Njoftimi i FSHF-së:

Komiteti Ekzekutiv i UEFA-s u mblodh sot përmes një video-konference dhe mori disa vendime në lidhje me rregulloret, formatin, kalendarin dhe vendet se ku do të zhvillohen ndeshjet e klubeve dhe ekipeve kombëtare për kompeticionet e UEFA-s.

Presidenti i FSHF-së, Armand Duka, njëkohësisht anëtar i Komitetit Ekzekutiv të UEFA-s mori pjesë në këtë takim, ku u diskutuan shumë çështje të rëndësishme që kanë të bëjnë me ecurinë e kompeticioneve kontinentale. Gjatë mbledhjes Presidenti Duka shprehu kënaqësinë që më në fund futbolli europian po rifillon pas një ndërprerje të gjatë.

Duke komentuar vendimet, Presidenti i UEFA-s, Aleksander ?eferin, tha: “Jam i kënaqur që jemi në gjendje të rifillojmë pothuajse të gjitha kompeticionet tona. Jam i sigurt se nuk do të duhet të vuajmë mungesën e tifozëve për një kohë të gjatë dhe ata do të lejohen në stadiume së shpejti. UEFA mori një vendim të guximshëm kur vendosi të shtyhej ‘EURO 2020’. Por duke bërë këtë, ne krijuam hapësirën e duhur që kampionatet vendase të klubeve në të gjithë kontinentin të rifillojnë, aty ku është e mundur, dhe të mbyllin sezonin.

Ndërsa loja e futbollit ka hasur vështirësi të mëdha si rezultat i pandemisë, ato goditje do të kishin qenë më të forta nëse nuk do të kishim treguar lidership që në ditët të para. Komuniteti i futbollit ka punuar së bashku dhe ka treguar unitet të jashtëzakonshëm gjatë kësaj krize të paprecedentë. Falënderoj FIFA-n, konfederatat partnere, federatat, klubet, ligat, lojtarët dhe autoritetet përkatëse për mbështetjen dhe përkushtimin e tyre të vazhdueshëm dhe jam i bindur që do të dalim nga kjo krizë më e fortë dhe me lidhje më të ngushta se kurrë më parë”.

Komiteti Ekzekutiv i UEFA-s miratoi parimet kryesore të protokollit mjekësor të UEFA-s dhe udhëzimet e hollësishme do të finalizohen gjatë javëve të ardhshme për të siguruar që të vendoset një plan i plotë sanitar për të mbrojtur shëndetin e të gjithë pjesëmarrësve në ndeshjet e UEFA-s kur të rinisin garat. UEFA do të vlerësojë rregullisht situatën në të gjithë kontinentin dhe do të ndërlidhet me autoritetet lokale për të parë kur tifozët do të mund të kthehen në stadiume.

Sa i përket Champions League 2019-2020, KE vendosi që çerekfinalet, gjysmëfinalet dhe finalja do të luhen si një turne në formatin “Final 8”. Këto faza të mbetura do të luhen me ndeshje teke, të gjitha në kryeqytetin e Portugalisë, Lisbonë, ku ofrohen dy stadiume një një distancë shumë të afërt nga njëri-tjetri, mes datave midis 12 dhe 23 gusht 2020.

Çerekfinalet, gjysmëfinalet dhe finalja e “Europa League” 2019/20 do të luhen gjithashtu në formatin “Final 8” me ndeshje teke në Këln, Duisburg, Dyseldorf dhe Gelsenkirshen mes datave 10 dhe 21 gusht.

Sezoni i ri – Kompeticionet e UEFA-s në nivel klubesh për sezonin 2020-2021, UEFA Champions League, UEFA Europa League, UEFA Women’s Champions League dhe UEFA Youth League nuk janë të prekur nga kalendari i ri që sot është prezantuar. Afati përfundimtar për federatat europiane për të dorëzuar emrat e skuadrave që do të marrin pjesë në kompeticionet e sezonit të ardhshëm do të jetë data 3 gusht për UEFA Champions League dhe UEFA Europa League, ndërkohë që në 10 gusht duhet të dorëzohet emri i skuadrës pjesëmarrëse në UEFA Women’s Champions League.

Ndeshjet kualifikuese të skuadrave shqiptare në UEFA Champions League dhe UEFA Europa League do të luhet me ndeshje teke në ndryshim nga më parë kur luheshin me sistem vajtje-ardhje, me përjashtimin e vetëm për play-off të UEFA Champions League që do të mbetet me sistemin vajtje-ardhje. Shorti do të jetë ai që do të vendosë se kush skuadër do të luajë në stadiumin e tij ndeshjen teke.

Kalendari i ri i fazës kualifikuese dhe fazës së grupeve për sezonin 2020-2021 është si më poshtë: