Granada ka prezantuar sot përforcimin më të ri në skuadër. Klubi spanjoll ka bërë merkato te Reali i Madridit, nga ku ka gjetur marrëveshjen për të veshur bardhekuq mbrojtësin Jesus Vallejo. 26-vjeçari do të luajë në të njëjtin ekip me Myrto Uzunin sezonin e ardhshëm, teksa klubet kanë rënë dakort për një huazim 1-vjeçar.
Kjo nuk është hera e parë që Vallejo do të mbajë veshur fanellën e Granadës. Më herë lojtari spanjoll ka qenë pjesë e klubit për dy sezone. Bëhet fjalë për sezonet 2019/2020 dhe 2020/2021. Edhe atëherë formula e transferimit të tij ishte po ajo e huazimit./Sport Ekspres/