Tirana ka zyrtarizuar arritjen e marrëveshjes me Legian e Varshavës për Ernest Muçin. Bardheblutë e cilësojnë akademinë e tyre si makineri talentesh duke u krenuar me dërgimin e tyre te kampionët e Polonisë.
Njoftimi i plotë
Klubi i Futbollit Tirana njofton se ka arritur marrëveshjen me klubin Legia Warsaw për lojtarin Ernest Muci. Klubi Polak pikasi sulmuesin bardheblu dhe menjëhere zyrtarizoi një ofertë për ta patur atë pjesë të tij. Legia është klubi më i suksesshëm i futbollit polak në histori dhe 19 herë kampione vendi.
Klubi i Futbollit Tirana dhe Akademia e saj tregoi sërish se është një makineri talentesh dhe trampolina më e mirë drejt suksesit. Talenti bardheblu 20 vjecar luajti ditën e djeshme ndeshjen e tij të fundit me fanellën tonë. Nga dita e sotme, lojtari i KF Tirana është I lirë pas marrëveshjes së firmosur mes palëve. @ernest_muci histori suksesi bardh’e blu! #nejemiTirona