Teuta është hedhur në merkato këtë muaj për të përforcuar skuadrën në mënyrë që të ketë një paraqitje dinjitoze në turet kualifikuese të Champions League. Kampionët në fuqi të Superiores kanë surprizuar me transferimin e radhës. Klubi durrsak njofton se në organikën e tyre do të bashkohet edhe sulmuesi i Tiranës, Taulant Seferi.
Lojtari i Kombëtares shqiptare do të jetë pjesë e Teutës vetëm për kualifikueset e Kupave të Europës. Aventura e tij në Durrës do të mbarojë atëherë kur do të mbarojë edhe vera, teksa me fillimin e sezonit do të kthehet përsëri në radhët e Tiranës./Halit Delibashi-Sport Ekspres/