Milani është rikthyer në Champions League pas shumë sezonesh mungese. Zlatan Ibrahimovic ishte njeriu që i dha dorën e madhe kuqezinjëve, por mosha dhe fiziku nuk po i përgjigjet suedezit. Mungesa të shumta kanë ardhur në ndeshjet e fundit të Serisë A, ndërsa për këtë arsye drejtuesit e Milanit kanë menduar edhe për një alternativë në sulm.
Ekipi italian ka zyrtarizuar afrimin e Olivier Giroud nga Chelsea. Firma në kontratë është hedhur, teksa lojtari do të mbajë numrin “9” në fanellë. Giroud ishte pjesë e londinezëve që prej 2018, atje ku realizoi 39 gola në 119 prezantime. /Sport Ekspres/