Empoli ka qendruar aktiv në merkato edhe pse pak orë na ndajnë nga mbyllja e saj. Skuadra italiane shton shton shqiptarët në radhët e saj, duke e çuar në tre numrin e tyre. Bajramit dhe Ismajlit tashmë i shtohet edhe Samir Ujkani.
Portieri shqiptar ka gjetur marrëveshjen me Empolin dhe pas aventurës së fundit me Torinon ka vendosur të vishet blu. Gardiani i përfaqësueses së Kosovës do të vazhdojë kështu karrierën e tij në Serie A, kampionat të cilin e njeh mjaft mirë pasi ka luajtur me disa ekipe në elitën e futbollit italian./Halit Delibashi-Sport Ekspres/