Një largim i papritur vjen te Tirana. Pas dorëheqjes së dyshes drejtuese, këtë herë është kapiteni Gentian Muça ai që shtërngon duart me presidentin Halili dhe lë klubin që e udhëhoqi drejt titullit kampion sezonin e shkuar. Arsyeja që e ka çuar në një vendim të tillë ka qenë dëshira për t’i lënë vendin filizave të reja të brezit të ri, që të bëjnë realitet të njëjtën ëndërr si ai.
Vetë klubi kryeqytetas njofton këtë largim të mbrojtësit 33-vjeçar, i cili lë të hapur derën për të bashkëpunuar sërish me shtëpinë bardheblu, por këtë herë jo në fushën e lojës. Ndërkohë, Muça ka dhënë edhe deklaratën e tij për klubin, ku thotë fjalët e tij të fundit si një lojtar bardheblu./Halit Delibashi-Sport Ekspres/
