Qendërmbrojtësi shqiptar ka nënshkruar një kontratë profesioniste me kampionët e Italisë, Interin. Afati i kontratës është 3 vjet, e cila mbaron në fund të sezonit 2023-2024. Andi Hoti ishte i grumbulluar në miqësoren Inter-Lugano ku nuk arriti të luajë për asnjë minutë, megjithatë kjo nuk e ka penguar lojtarin shqiptar të përfitojë kontratën e tij.
Hoti u transferua tek të rinjtë e Interit dy vite më parë dhe pas shumë performancave të shkëlqyera arriti të fitojë besimin e trajnerit të ri, Inzaghi. Pas Rei Manajt, një tjetër shqiptar do të luajë për skuadrën e Interit./Elio Hajdari-Sport Ekspres/