Laçi ka nisur përforcimet për sezonin e ri dhe për kualifikueset e Europa League. Këtë herë “pazarin” e bëjnë në Shkodër, ku marrin shërbimet e Renato Malotës. Mbrojtësi 31-vjeçar ka hedhur firmën në kontratë pëër kurbinasit dhe do i bashkohet menjëherë grupit për të nisur me përgatitjet.
Për të arritur larg në Europë si dhe në kampionat është nevoja edhe për eksperiencë, për këtë arsye drejtuesit e Laçit kanë menduar për lojtarin lezhjan. Malota ishte pjesë e Vllaznisë sezonin e shkuar, por kontrata mes tij dhe kuqebluve përfundoi këtë verë dhe nuk u gjet gjuha e përbashkët për të zgjatur bashkëpunimin./Halit Delibashi-Sport Ekspres/