Klubi i Laçit ka prezantuar mbrëmjen e djeshme transferimin e ri në ekip. Pas largimeve të shumta në kampion bardhzi, një emër i ri i bashkohet skuadrës. Bëhet fjalë për Luka Cucin. Ky i fundit luan në rolin e mbrojtësit të djathtë dhe më parë në karrierën e tij ka mbajtur veshur edhe fanellën e Partizanit të Beogradit.
“Luka Cucin është afrimi i parë në skuadrën tonë. Mbrojtësi i krahut të djathtë ka kaluar vizitat mjekësore dhe ka firmosur për dy vite. Cucin ka qenë pjesë e Partizan Beograd ne te shkuaren . I urojmë mirëseardhjen në ekipin tonë!”, shkruan në njoftimin e tij në faqen zyrtare në “Instagram“ klubi i Laçit./Sport Ekspres/