Laçi ka zyrtarizuar sot afrimin më të ri në skuadër. Klubi kurbinas ka prezantuar përmes faqes zyrtare në “Instagram“ goditjen e madhe në mesfushë, një repart ku janë shfaqur mjaft mungesa për këtë sezon. Mikel Babatunde do të jetë futbollisti i bardhezinjve për të paktën një sezon. Lojtari në fjalë më parë ka mbajtur veshur edhe fanellën e Kombëtares së Nigerisë. Ndërkohë bashkë me Babatunden, Laçi ka prezantuar edhe fanellat e reja për sezonin 2022/23, që kanë një ngjashmëri të madhe me unifromën e Juventusit.
“Micheal Babatunde është zyrtarisht lojtar i skuadrës tonë, pas hedhjes së firmës mbi kontratë. Mesfushori me tipare sulmuese ka qenë edhe pjesë e kombëtares së Nigerisë në të shkuarën. Ai ka pozuar sot me uniformën e re, të sezonit 2022-23”, njofton klubi i Laçit./Halit Delibashi-Sport Ekspres/
View this post on Instagram