Tashmë është zyrtare. Interi do të ketë më pak kohë për t’u përgatitur për sfidën mjaft të vështirë kundër Barcelonës. Ndarja nga jeta e Papa Françeskut ka bërë që Serie A të ndryshojë kalendarin. Për të respektuar funeralin e Papës, që do të kryhet ditën e shtunë, ndeshjet e kampionatit italian janë shtyrë për një ditë më vonë.
Pavarësisht kundërshtimit të Interit, Federata Italiane e Futbollit ka vendosur që sfida e zikaltërve ndaj Romës, e planifikuar fillimisht të luhej të shtunën, do të luhet të dielën në orën 15:00. Po të dielën do të zhvillohen edhe dy takimet e tjera, Komo-Xhenoa dhe Lacio-Parma. Ndërkohë, Interi do të udhëtojë më pas drejt Barcelonës, ku do të sfidojë të mërkurën katalanasit në gjysmëfinale të Ligës së Kampionëve./Sport Ekspres/