Teuta zyrtarizon largimin e dytë brenda pak orëve ditën e sotme. Pas ndërprerjes së bashkëpunimit me lojtarin Khalid, tani është radha e një tjetër futbollisti për të lënë ekipin bregdetar.
Bëhet fjalë për Uendi Vecajn, i cili u bashkua me ekipin në verën e vitit 2017, ndërsa këtë sezon ka zhvilluar 12 paraqitje me Teutën në Superiore, ku ka arritur të gjejë rrjetën vetëm një herë. Lajmin e ka bërë të ditur vetë klubi durrsak, që me anë të një njoftimi në faqen e tyre zyrtare në “Facebook” falenderon futbollistin për kontributin e dhënë./Sport Ekspres/
