Rocco Vata ka debutuar në ekipin e parë të Celtic në moshën 17-vjeçare. Kaq mjaftoi që ekipe prestigjoze në Europë të hidhnin vëzhgimin nga ky element, duke ditur se skuadra skoceze prodhon gjithmonë futbollistë të nivelit të lartë.
Së fundmi është “Spox” që ka raportuar se Dortmund dhe Bayern Munchen do ta vëzhgojnë me kujdes futbollistin shqiptar. Për momentin nuk ka ende ndonjë interesim konkret, por të deleguarit e këtyre dy skuadrave do ta shohin me vëmendje ecurinë e Vatës përpara se të marrin hapa konkretë në dhënien e një ofertë te Celtic. /Sport Ekspres/