Kukësi e ka gjetur zëvendësuesin e Mirlind Dakut, që la verilindorët për tu bashkuar me ekipin e Ballkanit në IPKO Superliga. Shpëtim Duro do të ketë në dispozicionin e tij për pjesën e mbetur të sezonit sulmuesin Godberg Cooper. Ky i fundit do të nënshkruaj me Kukësin, duke i dhënë fund kështu eksperiencës së tij në Zvicër.
Cooper ishte pjesë e Schaffhausen në kategorinë e dytë zviceriane, ndërsa pritet që të nisë aventurën e tij të parë në elitën e furbollit shqiptar. Sulmuesi 22-vjeçar do të jetë një forcë më tepër në sulmin e Kukësit që këtë sezon synon të marrë titullin kampion në Superiore./Sport Ekspres/
