Koreografia e bërë në ditën e djeshme dhe që ngjalli shumë diskutime para derbit Tirana-Partizani, ishte një edhe e vetme, që i kaloi caqet sportive. Fillimisht të gjitha kritikat u adresuan për tifogrupin e njohur të bardhebluve, “Tirona Fanatics”, por mesa duket nuk ishin këta ideatorët e gjithë kësaj.
Nëpërmjet një reagimi në faqen e tyre zyrtare, theksohet se koreografia që ata kishin ndërtuar, ishte ajo për themeuluesin dhe arkitektin e Tiranës, Selman Stermasin. Pra, duke mos folur për banderolën tjetër që është hapur në kontekstin politik. Ajo që përflitet është se një tjetër grupim i ri dhe i sapo formuar ka shpalosur këtë ide, “Capital Crew”, ndërsa me postimet e publikuara në “Facebook” del në mbrojtje edhe të asaj që u shpalos. /Sport Ekspres/
