Quhet Lindon Selahi dhe fitorja më e madhe e Shqipërisë është që e ka bindur të veshë fanellën kuqezi, edhe pse për momentin te Shpresat, me sytë e Panuçit që do ta monitorojnë. Sigurisht, ai debutoi me U-21, duke shkëlqyer, me paraqitje super dhe duke rënë në sy, edhe pse në fund humbja djeg jo pak dhe njollos pak këtë ndeshje të parë…
Për “Sport Ekspres”, pas ndeshjes së humbur ndaj Bosnjës, ai tha: “Jam i lumtur për debutimin. Eshtë ëndërr për mua të vesh fanellën kuqezi dhe ia arrita ta realizoj. Sigurisht, nuk jam i kënaqur me humbjen, pasi dua vetëm të fitoj, por këtë ditë do ta mbaj mend gjatë”, tha futbollisti i Standard Liezhit.