Presidenti i Federatës së Kosovës, Fadil Vokrri, ka folur për shortin në Nations League, duke e pranuar se sidomos me Azerbaxhanin do të jetë ndeshje mjaft të vështira, edhe pse shanse për kualifikim Kosova ka.
Vokrri flet edhe për trajnerin e ri të Kosovës, duke pranuar se është çështje ditësh dhe është zviceran.
Shorti – “Nuk mund të them që jam iu lumtur me shortin, sepse vetëm ekipi i parë kualifikohet për më tej. Një ekip si Azerbajxhan, i cili u araqit mjaf mirë në kualifikueset e Botërorit dhe ka një renditje mjaft të mirë në FIFA, është natyrisht favorit dhe shumë i fortë. Ne do të bëjmë gjithçka, sepse nuk ndihemi inferiorë dhe shpresojmë te kualifikimi.
Stadiumi i ri – “Në Shkodër nuk ndihemi si të huaj, por po punojmë shumë për të ndërtuar stadiumin në Prishtinë, sepse dihet që është ndryshe të luhet aty, atmosfera, psikologjia, numri i tifozëve.
Trajneri – “Jemi duke punuar për gjetjen e trajnerit të ri dhe besoj se deri në mesin e muajit shkurt do të vendosim. Ka shumë kandidatë, por rrethi po ngushtohet, mbeten disa detaje dhe mund të jetë trajner zviceran”.