“Transfermarkt”-i ka publikuar dje vlerat e reja të lojtarëve në treg. Portali i njohur që merret me vlerësimet e kartonave të futbollistëve, ka bërë pubik përditësimin e fundit. Sa i përket “Abissnet Superiore“-s, Rafael Duamena është lojtari më i kushtueshëm i kampionatit. Sulmuesi i Egnatias tashmë vlen 700 mijë euro në treg, ndërsa më parë vlente 400 mijë euro.
Pas tij renditet Arinaldo Rrapaj. Ky i fundit është lojtari shqiptar më i shtrenjtë i kampionatit, me vlerë të kartonit 600 mijë euro. Ndërkohë një rritje me 133% e kartonit ka ndodhur për Magetin, ndërsa në të njëjtin ritëm është edhe Bintsukaja, të cilit i është rritur vlera në treg me 116%./Halit Delibashi-Sport Ekspres/
